នាព្រឹកថ្ងៃទី១៧ ខែធ្នូ កន្លងទៅនេះ ក្រុមហ៊ុន ប៉េង ហួត គ្រុបចាប់ផ្តើមដំណើរការសាងសង់ ផ្សារទំនើប PH ECO Mall ហើយ ដែលគ្រោងនឹងបញ្ចប់ការសាងសង់ក្នុងឆ្នាំ ២០២១ខាងមុខនេះ។
ក្រុមហ៊ុន ប៉េង ហួត គ្រុប គឺជាក្រុមហ៊ុនអភិវឌ្ឍសំណង់ឈានមុខគេក្នុងស្រុក ដែលផ្តោតសំខាន់លើគុណភាពសំណង់ សោភ័ណភាព និងឧត្តមភាពប្រកបដោយភាពច្នៃប្រឌិតខ្ពស់ និងគំនិតបង្កើតថ្មី មិនត្រឹមតែប៉ុណ្ណោះក្រុមហ៊ុន ប៉េង ហួត គ្រុបក៏តែងតែចូលរួមសកម្មភាពសង្គម និងការងារមនុស្សធម៌ជាច្រើនផងដែរ។
លោកឧកញ្ញ៉ា ថៃ ម៉េងលី អគ្គនាយក ក្រុមហ៊ុន ប៉េង ហួត គ្រុបបានមានប្រសាសន៍បញ្ចាក់ថា ដើម្បីជួយលើកស្ទួយដល់សេវាកម្មសាធារណៈ ដែលជាបង្គោលដល់ប្រជាជនក្រីក្រ ជាពិសេសជួយដល់កុមារទទួលបានឱកាស ក្នុងការព្យាបាលដោយឥតគិតថ្លៃ ក្រុមហ៊ុន បុរី ប៉េង ហួត គ្រុប បានបរិច្ចាគថវិកាចំនួន ១០០,០០០ដុល្លារ ជូនដល់មន្ទីពេទ្យកុមារគន្ធបុប្ផា ។
ខណៈនោះដែរ លោក ប៊ុន យ៉ៃ គុណករ តំណាងមូលនិធិគន្ធបុប្ផាបានមានប្រសាសន៍ថ្លែងអំណរគុណដល់ ក្រុមហ៊ុន ប៉េង ហួត គ្រុប ថា នេះពុំមែនជាលើកទីមួយទេ ដែលក្រុមហ៊ុន ប៉េង ហួត គ្រុបបានចូលរួមចំណែកបរិច្ចាគថវិកាដល់មូលនិធិគន្ធបុប្ផា ដើម្បីជួយគាំទ្រដល់ដំណើរការមន្ទីពេទ្យកុមារ ដែលធំជាងគេក្នុងប្រទេសកម្ពុជា ហើយដែលព្យាបាលកុមារនិងស្ត្រីមានផ្ទៃពោះដោយឥតគិតថ្លៃ សម្រាប់គ្រប់ៗគ្នាប្រកបទៅដោយគុណភាព ប្រសិទ្ធិភាពខ្ពស់ និងឥតរើសអើង។
លោកបានប្រសាសន៍បន្តទៀតថា តំណាងឲ្យមន្ទីពេទ្យគន្ធ បុប្ផា ខ្ញុំបាទសូមអនុញ្ញាតថ្លែងអំណរអរគុណយ៉ាងជ្រាលជ្រៅអស់ពីដួងចិត្ត ជូនចំពោះលោកឧកញ្ញ៉ា អគ្គនាយក ថៃ ម៉េងលី និងក្រុមហ៊ុន ប៉េងហួត គ្រុបទាំងមូល ដែលបានចូលរួមបរិច្ចាគថវិកាចំនួន១០០,០០០ដុល្លារដល់មូលនិធិគន្ធ បុប្ផា ដើម្បីជួយទ្រទ្រង់ដល់ដំណើរការមន្ទីពេទ្យគន្ធបុប្ផានេះ ដែលប្រជាជនទូទៅទទួលស្គាល់និងជឿទុកចិត្ត។
ជាចុងក្រោយ យើងខ្ញុំក៏សូមថ្លែងអំណរគុណជូនចំពោះ សម្តេច ឯកឧត្តម លោកឧកញ្ញ៉ា លោកជំទាវ លោក លោកស្រី ភ្ញៀវកិត្តិយសទាំងអស់ដែលបានឆ្លៀតឱកាសអញ្ជើញចូលរួមក្នុងពិធីដ៏នក្ខត្តឬក្សនេះ។
បុរី ប៉េង ហួត ធ្វើអោយជីវិតលោកអ្នកកាន់តែមានន័យ…!
