ជាមោទនភាពដែលផ្សារទំនើបភីអេច អេកូម៉លនិងជាគម្រោងមួយដែលមានទុនវិនិយាគរហូតដល់ខ្ទង់រយលានដុល្លារអាមេរិកត្រូវបានគិតគូរក្នុងការរួមបញ្ចូលរចនាបថបែបខ្មែរ ដែលមានតាំងពីបុរាណមកដាក់អោយដើរទន្ទឹមគ្នាទៅនឹងគម្រោងរចនាបថបែបទំនើបទាន់សម័យបច្ចុប្បន្នក្នុងន័យចូលរួមថែរក្សាមរតកអត្តសញ្ញាណជាតិរបស់យើង។ គម្រោងផ្សារទំនើបភីអេច អេកូម៉លដ៏ស្កឹមស្កៃនេះ​មានទីតាំងនៅក្នុងគម្រោងបុរី ប៉េង ហួត ហ្រ្គេនស្តា ផ្លាទីនីម (បឹងស្នោ) ដែលជាគម្រោងលំនៅដ្ឋានដ៏ធំមួយហើយដែលមានប្រជាជនរស់នៅជាងរាប់ម៉ឺនគ្រួសារ ត្រូវបានសាងសង់ឡើងដោយក្រុមហ៊ុន ប៉េង ហួតគ្រុប។

ការបង្ហាញខ្លួនរបស់ផ្សារទំនើបភីអេច អេកូម៉លមិនត្រឹមតែបង្ហាញអំពីភាពរីកចម្រើននៃជីវភាពរបស់ប្រជាជនកម្ពុជាក្នុងសម័យបច្ចុប្បន្នប៉ុណ្ណោះនោះទេ ប៉ុន្តែផ្សារទំនើបភីអេច អេកូម៉លនេះនឹងក្លាយខ្លួនជាទីតាំងសម្រាប់ទាក់ទាញភ្ញៀវទេសចរណ៍ជាតិនិងអន្តរជាតិមកលេងកម្សាន្តក៏ដូចជាមានឱកាសស្វែងយល់ពីវប្បធម៌ប្រពៃណីរបស់ប្រទេសកម្ពុជាថែមទៀតផង។