សាលសន្និបាតនេះគឺជាគម្រោងមួយក្នុងចំណោមគម្រោងដែលមានសក្តានុពលដទៃទៀតដែលត្រូវបានវិនិយោគដោយក្រុមហ៊ុន ប៉េង ហួត គ្រុប។ សាលសន្និបាតដ៏ប្រណីតលំដាប់ផ្កាយប្រាំនេះនឹងលេចរូបរាងឡើង នៅក្នុងគម្រោងបុរី ប៉េង ហួត ហ្រ្គេនស្តា ផ្លាទីនីម (បឹងស្នោ) តាមបណ្តោយផ្លូវជាតិលេខ១ ក្បែរសួនកម្សាន្តបែបអឺរ៉ុប (យូរ៉ូផាក)​ មានចង្ងាយ ២ គ.ម ពីស្ពានព្រះមុន្នីវង្ស។

អ្វីដែលពិសេសជាងនេះទៅទៀតនោះ សាលសន្និបាតនេះអាចមានលទ្ធភាពសម្រាប់ទទួលស្វាគមន៍មនុស្សចំនួនជាងរាប់ពាន់នាក់នឹងក្លាយជាទីតាំងសម្រាប់ការរៀបចំការធ្វើសន្និសីទ ការប្រជុំធំៗនានា ក៏ដូចជាទីតាំងសម្រាប់ការរៀបចំអាពាហ៍ពិពាហ៍ដែលសាកសមចំពោះលោកអ្នកដែលស្វែងរកភាពប្រណីត និង ថ្លៃថ្នូរ​ក្នុងការប្រារព្ធកម្មវិធីទាំងនេះនានា។