សួនកម្សាន្តបែបអឺរ៉ុប (យូរ៉ូផាក) ដែលបានក្លាយជាកន្លែងលំហែកាយដែលពេញនិយមសម្រាប់អ្នកចូលចិត្តការថតរូបយកទេសភាពស្អាតៗ មានទីតាំងនៅ ក្នុងគម្រោងរបស់បុរី ប៉េង ហួត ហ្រ្គេនស្តា ផ្លាទីនីម (បឹងស្នោ)​ ចម្ងាយប្រមាណ ២ គ.ម ពីស្ពានព្រះមុន្នីវង្សតែប៉ុណ្ណោះ។ ដោយសារតែទេសភាពស្អាតៗបែបអឺរ៉ុបនិងមានតែមួយគត់នៅក្នុងប្រទេសកម្ពុជាជាហេតុធ្វើអោយសួនកម្សាន្តបែបអឺរ៉ុប (យូរ៉ូផាក)បានទាក់ទាញនូវមនុស្សជាច្រើនកុះករមកកម្សាន្តនិងលំហែកាយនៅទីនេះផងដែរ៕

ចំនុចដែលគួរតែចាប់អារម្មណ៏ពេលដែលមកលេងសួនកម្សាន្តបែបអឺរ៉ុប(យូរ៉ូផាក)​៖

ទី១ សួនកម្សាន្តបែបអឺរ៉ុប (យូរ៉ូផាក) មានទីតាំងនៅក្នុងគម្រោងរបស់បុរី ប៉េង ហួត ហ្រ្គេនស្តា ផ្លាទីនីម (បឹងស្នោ) ដូចនេះ លោកអ្នកត្រូវជិះចូលក្នុងគម្រោងលំនៅដ្ឋានដ៏ធំរបស់ ​បុរី ប៉េង ហួត។ អ្វីដែលពិសេសជាងនេះទៅទៀតនោះ អ្នកអាចធ្វើដំណើរចូលតាមច្រកទ្វារធំៗរបស់គម្រោង ប៉េង ហួត ដែលនៅតាមបណ្តោយផ្លូវជាតិលេខ០១ មួយណាក៏បានក៏លោកអ្នកអាចទៅដល់គម្រាងសួនកម្សាន្តបែបអឺរ៉ុប (យូរ៉ូផាក) នេះបានដែរ។ ក្នុងករណីលោកអ្នករកមិនឃើញទីតាំងសួនកម្សាន្ដបែបអឺរ៉ុប (យូរ៉ូផាក) នេះទេ លោកអាចសួរសន្តិសុខដែល ប្រចាំការនៅតាមច្រកចូលនៃគម្រោងមួយៗដើម្បីការបង្ហាញផ្លូវ។​

ទី២ ការចូលលេងក្នុងសួនកម្សាន្តបែបអឺរ៉ុប (យូរ៉ូផាក) នេះមិនតម្រូវអោយបង់ប្រាក់ ឬទិញសំបុត្រចូលទស្សនានោះទេ ដូច្នេះលោកអ្នកអាចចូលលេង ទស្សនា​ លំហែកម្សាន្ដ​ ថតរូប ផ្តិតយកនូវទេសភាពដ៏ស្រស់ស្អាតបែបអឺរ៉ុបដោយកី្ដរីករាយ។

 

ទី៣ ដោយសារសួនកម្សាន្តបែបអឺរ៉ុប (យូរ៉ូផាក) មិនទាន់បានបើកដំណើរការពេញលេញនៅឡើយទេ ដូចនេះលោកអ្នកមិនទាន់អាចរកទទួលទានអាហារសម្រន់បាននៅក្នុងសួនកម្សាន្តបែបអឺរ៉ុប (យូរ៉ូផាក) នោះទេ ប៉ុន្តែលោកអ្នកអាចស្វែងរកអាហារដ្ឋាននានាដែលមាននៅក្នុងគម្រោង ភីអេច ប៉ូឡារីសអេហ្វ អេន ប៊ី ដែលនៅក្បែរនឹងសួនកម្សាន្តបែបអឺរ៉ុប (យូរ៉ូផាក) តាមច្រកចូលមន្ទីរពេទ្យជោរៃជំនួសវិញ។ ដោយនៅទីនោះ មានបណ្តុំ ហាងជាច្រើនកំពុងរង់ចាំអ្នក​ដូចជា ភីហ្សាខមភេនី ផាកកាហ្វេ បបរសខនជីឃីង ភោគជនីយដ្ឋាននាងទាវ ហាងលក់ភេសជ្ជៈខយ ឡាក់គីបឺហ្គឺ ឡាក់គីអេចប្រស វ៉ាញថោន ប្រេដថក ចេកអាំង៦អា បាយមាន់ហ្សង់កុង ភោជនីយដ្ឋានហ្វឺកាលី ហ្គាឌៀនខេមបូឌៀ.ល.។

ទី៤.​ បើទោះបីជាសួនកម្សាន្តបែបអឺរ៉ុបនេះមិនទាន់រួចរាល់១០០%ក្តី ប៉ុន្ដែយើងខ្ញុំបានរៀបចំអោយមានជាបន្ទប់ទឹកដែលមានអនាម័យនិងធុងសំរាមសម្រាប់សម្រួលដល់ការមកលេងកម្សាន្តរបស់លោកអ្នកអោយកាន់តែមានភាពរីករាយ។

ទី៥. ពុំមានម៉ោងកំណត់ក្នុងការបិទ ឬ បើកសួនកម្សាន្តបែបអឺរ៉ុប (យូរ៉ូផាក) នេះនៅឡើយទេ ដូចនេះលោកអ្នកអាចមកលេងកម្សាន្ត និងហាត់ប្រាណពីព្រលឹមក៏បាន។

ដឹងប្រាំចំណុចដូចបានរៀបរាប់ខាងលើនេះហើយនឹងអាចធ្វើអោយការកម្សាន្តរបស់លោកអ្នកនៅក្នុងសួនកម្សាន្តបែបអឺរ៉ុប (យូរ៉ូផាក) កាន់តែមានភាពរីករាយ និងស្និទ្ធស្នាល។

យូរ៉ូផាក ត្រូវបានសាងសង់ឡើងនៅលើផ្ទៃដីទំហំ ៤ ហ.ត​ដែលមានទីតាំងនៅក្នុងគម្រោងបុរី ប៉េង ហួតហ្រ្គេនស្តា ផ្លាទីនីម (បឹងស្នោ) តាមបណ្តោយផ្លូវជាតិលេខ១។ ដោយមានទីតាំងស្ថិតនៅក្នុងគម្រោងបុរី ប៉េង ហួតហ្រ្គេនស្តា ផ្លាទីនីម (បឹងស្នោ) អាជីវកម្មរបស់លោកអ្នកអាចនឹងផ្តល់ជូនដល់ ប្រជាជនចំនួនប្រមាណជាង ១២,០០០ គ្រួសារដែលមានជីវភាពពីកម្រិតមធ្យមកម្រិតខ្ពស់ រហូតដល់ជីវភាពកម្រិតខ្ពស់និងដែលកំពុងតែរស់នៅក្នុងគម្រោងដ៏ធំមួយនេះ។ នៅក្នុងយូរ៉ូផាក ទាំងមូលនេះដែរ មានផ្ទះវីឡាបែបអឺរ៉ុប ចំនួន ២៣ខ្នង និង ប្រភេទហ្សបហោស៍បែបអឺរ៉ុបជាច្រើនខ្នងទៀតដែលត្រូវបាននិងកំពុងសាងសង់ដើម្បីបើកដំណើរការអោយជួលសម្រាប់បំពេញតម្រូវការទៅតាមប្រភេទអាជីវកម្មផ្សេងៗរបស់លោកអ្នកដែលមានបំណងចាប់ឱកាសក្នុងការពង្រីកអាជីវកម្មរបស់ខ្លួនបន្ថែមជាមួយប៉េង ហួតរីថែល។

ដើម្បីទទួលបានព័ត៌មានលម្អិតអំពីការជួលប្រភេទផ្ទះវីឡាបែបអឺរ៉ុប និង ប្រភេទហ្សបហោស៍បែបអឺរ៉ុបដែលមានទីតាំងក្នុងយូរ៉ូផាកទាំងនេះ លោកអ្នកអាចទាក់ទងមកកាន់​លេខ ០១១​ ៦៦៦ ០៩៨/ ០៩៨ ៦៦៦ ៨២៤