លោកស្រីអាន សុធីតាៈទីផ្សារអចលនទ្រព្យលើផ្នែកសំខាន់ៗចំនួន៤បានងើបឡើងវិញ

ភ្នំពេញៈ ទីផ្សារអចលនទ្រព្យនៅកម្ពុជាបានងើបឡើងវិញហើយ ស្របពេលប្រជាពលរដ្ឋអាចធ្វើដំណើរទៅកាន់បណ្តាខេត្តនានា និងនៅក្នុងរាជធានីភ្នំពេញបាន ខណៈការបិទខ្ទប់ត្រូវបានបិទបញ្ចប់។

លោកស្រីអាន សុធីតាអ្នកជំនាញអចលនទ្រព្យលំដាប់អន្តរជាតិបានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី២ មិថុនានេះថា ទីផ្សារអចលនទ្រព្យបានងើបឡើងវិញប្រមាណ៣០ភាគរយ បើធៀបនឹងការបិទខ្ទប់នាពេលកន្លងមក ដែលចរន្តទិញលក់ជួល មានភាពសកម្មនាពេលនេះ យើងកត់សំគាល់ឃើញមានតម្រូវការដូចជា ទី១ ការទិញលំនៅដ្ឋានកើនឡើងខ្ពស់ ពិសេសសម្រាប់ផ្ទះវីឡា និងផ្ទះដែលបានសាងសង់ចប់ ទី២ ការទិញខុនដូមានសកម្មភាពឡើងវិញ សម្រាប់ខុនដូដែលបានសាងងសង់បញ្ចប់ និងជិតបញ្ចប់
ទី៣ សកម្មភាពទិញលក់ដីធ្លីបានកើនឡើងវិញផងដែរ ពិសេសដីស្ថិតនៅតំបន់អភិវឌ្ឍន៍នានាដូចជា តំបន់ផ្លូវក្រវ៉ាត់ក្រុងទី៣ តំបន់ផ្លូវជាតិលេខ៤១ ផ្លូវជាតិលេខ៥១ជាដើម និងទី៤ ការជួលការិយាល័យសម្រាប់បើកក្រុមហ៊ុន ឬអាជីវកម្មថ្មីៗ ក៏បានកើនឡើងផងងដែរ។

លោកស្រីអាន សុធីតាបានបន្តទៀតថា ស្ថានភាពនាពេលនេះ បាននិងកំពុងវិវត្តន៍កាន់តែល្អប្រសើរហើយ ហើយសុខភាពក្នុងវិស័យនេះនឹងកាន់តែរ៉ឹងមាំថែមទៀត ប្រសិនជាការចាក់វ៉ាក់សាំង បានគ្របដណ្តប់លើប្រជាពលរដ្ឋ៥០ភាគរយ និងស្ថានភាពនៃការឆ្លងជំងឺនេះ ស្ថិតនៅក្នុងកម្រិតទាបជាងនេះ៕

ប្រភពពី៖ Property Area