វិស័យអចលនទ្រព្យនៅតែដើតួនាទីសំខាន់ក្នុងការគាំទ្រដល់កំណើនសេដ្ឋកិច្ចកម្ពុជា

ភ្នំពេញៈ បច្ចុប្បន្ន ការវិនិយោគលើវិស័យអចលនទ្រព្យនៅកម្ពុជា បានផ្តល់អាទិភាពខ្ពស់បំផុត សម្រាប់វិនិយោគិនទាំងនៅក្នុងស្រុក និងអន្តរជាតិ ក្នុងការសម្រេចដាក់ទុនវិនិយោគបន្ថែមមិនស្ទាក់ស្ទើឡើយ ស្របពេលកម្ពុជាមានការអភិវឌ្ឍទៅមុខពីមួយថ្ងៃទៅមួយថ្ងៃ។

តាមស្ថានភាពជាក់ស្តែង បើយើងយកចិត្តទុកដាក់ពីវឌ្ឍនភាពហេដ្ឋារចនាសម្ព័ន្ធ ផ្សេងៗ ហាក់ដូចជាមានភាពល្អដដែល។ ប៉ុន្តែបើម្ចាស់អចលនទ្រព្យមិនមានចក្ខុវិស័យទូលំទូលាយ ជាមួយនឹងតួនាទីសំខាន់លើវិស័យអចលនទ្រព្យនោះទេ ប្រាកដណាស់វានឹងបរាជ័យជាក់ជាមិនខាន។

ដើម្បីទទួលបានសមិទ្ធិផល ក្នុងការវិនិយោគផ្នែកអចលនទ្រព្យ អ្នកជំនួញត្រូវមានគោលការណ៍ផ្ទាល់ខ្លួន ស្វែងរកតំបន់ណា ដែលមានសក្កានុពលខ្ពស់ ហើយស្របនឹងទីផ្សារអចលនទ្រព្យ។

ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ លោក ឃាង ពុទ្ធី បាន ផ្តល់ការសម្ភាសមកកាន់ Property Area នៅព្រឹកថ្ងៃទី២១ ខែកក្កដា ឆ្នាំ២០២១ នេះថា អចលនទ្រព្យដើរតួនាទីយ៉ាងសំខាន់ដូចជា៖

១) ប្រទេសណាក៏ដូចប្រទេសណាដែរ ជាពិសេសកម្ពុជា គឺវាជួយទ្រទ្រង់សេដ្ឋកិច្ច តាមរយៈគម្រោងវិនិយោគ ឬអភិវឌ្ឍន៍អចលនទ្រព្យផ្សេងៗ។ ក្រៅវិស័យអចលនទ្រព្យ វិស័យទេសចរ កសិកម្ម និងវិស័យផ្សេងៗទៀតក៏រួមចំណែកអភិវឌ្ឍន៍សេដ្ឋកិច្ចជាតិផងដែរ។

២) កំណើនប្រជាជន តាំងពីឆ្នាំ១៩៩៣ ប្រទេសមានសេដ្ឋកិច្ចទីផ្សារសេរី មានប្រជាជនច្រើនតាមការពង្រីកបន្ថែម។ កម្ពុជាគ្រោងនឹងដាក់ឲ្យមានផ្លូវក្រវាត់ក្រុងជាបន្តបន្ទាប់។ ការអភិវឌ្ឍអចលនទ្រព្យកាន់តែបង្ខិតទៅតាមជាយក្រុង ជាពិសេសទីក្រុងរីកផ្ទៃរាបស្មើនៅតាមជាយក្រុង ដើម្បីឆ្លើបតបនឹងកំណើនប្រជាជន។

ជាមួយគ្នានេះដែរ លោកបន្តទៀតថា ដើម្បីបង្កើនទំនុកចិត្តដល់អតិថិជន គម្រោងត្រូវតែអភិវឌ្ឍន៍ដោយមានគុណភាព និងសំណង់សាងសង់ទៅតាមច្បាប់ក្រសួងដែនដីនគរូបនីយកម្មនិងសំណង់ តាមនិយាមការត្រឹមត្រូវ។

អចលនទ្រព្យមិនមានការថយចុះនោះទេ គ្រាន់តែការកើនឡើងមានភាពយឺត។ អំឡុងពេលនេះ ផលប៉ះពាល់ផ្សេងទៀតដូចជា អាជីវកម្ម ពាណិជ្ជកម្ម ឬចំណូលធ្លាក់មកត្រឹម២០% ទោះបីជាយ៉ាងណាការងារ គម្រោងផ្សេងៗនូវតែបន្ត។ ការអភិវឌ្ឍទាមទារឲ្យចូលរួមលើវិស័យទាំងអស់នេះ។ វាមិនធ្វើឲ្យប្រទេសជាតិមួយក្លាយជាប្រទេសក្រីក្រនោះទេ។ “មានតំបន់សេដ្ឋកិច្ចល្អ មានអ្វីគ្រប់យ៉ាង៕

ប្រភពពី៖ Property Area