ដីទំនេរនៅភាគខាងត្បូងរាជធានីភ្នំពេញ នៅតែជាទិសដៅវិនិយោគបែបលំនៅឋាន

ដីទំនេរ និងមានសក្ដានុពលខ្លាំងបន្ទាប់រាជធានីភ្នំពេញ ជាពិសេសគឺនៅតំបន់ក្រុងតាខ្មៅនេះតែម្ដង យើងឃើញមាន គម្រោងធំៗកំពុងត្រូវ បាន រៀបចំសាងសង់ និងចាប់ផ្តើមសាងសង់។ គម្រោងផែនការអភិវឌ្ឍន៍​ទីក្រុង​របស់​សាលាក្រុង​ភ្នំពេញ​នៅ​ឆ្នាំ​២០៣៥ ដើម្បី​បំពេញ​តម្រូវការ​លំនៅដ្ឋាន​សម្រាប់​ការរស់នៅ​និង​សម្រាប់​ធ្វើ​ពាណិជ្ជកម្ម ដែល ការអភិវឌ្ឍ​ពង្រីក​ទីក្រុង​ឥត​ឈប់​ឈរ​នេះ ក៏​មាន​ការចូលរួម​ពី​រាជ​រដ្ឋាភិបាល និង​វិស័យ​ឯកជន​ផងដែរ។

បើធៀបនឹងតំបន់ដទៃទៀតនៅជុំវិញរាជធានីភ្នំពេញ ភាគខាងត្បូងទីក្រុងនេះជាតំបន់មានការអភិវឌ្ឍលឿនជាងគេ ដោយសារតំបន់នេះមាន សេដ្ឋកិច្ចរីកលូត លាស់លឿន ស្ថានភាពដីធ្លីខ្ពស់ មិនសូវប្រឈមមុខនឹងការលិចទឹក ជាទីតាំងដែលនៅជិតទីក្រុងជាងគេ និងជាតំបន់ដែល ត្រូវរៀបចំហេដ្ឋារចនាសម្ព័ន្ធថ្មី ដែលអាចឲ្យការកសាងផ្លូវបានល្អជាងតំបន់ដែលបានអភិវឌ្ឍន៍រួច។

តំបន់នេះមានការអភិវឌ្ឍបុរីយ៉ាងច្រើន ធ្វើឲ្យមានមនុស្សទៅរស់នៅច្រើន ដែលភាគច្រើនជាប្រជាជនមានជីវភាពប្រសើរ និងកម្រិតមធ្យមច្រើន​គួរសម បូករួមជាមួយការធ្វើដំណើរ និងចរាចរណ៍ លើសពីនេះផ្លូវទៅក្រុងតាខ្មៅមួយទៀត នោះគឺមហាវិថីសម្ដេច ហ៊ុន សែន ត្រៀមនឹងដំណើរ​ការជាផ្លូវការក្នងពេលឆាប់ៗផងដែរ។

តំបន់​ភាគ​ខាង​ត្បូង ជាពិសេស តំបន់​មហាវិថី​ សម្តេច​តេជោ (ផ្លូវ​៦០​ម៉ែត្រ) និង​តំបន់​ផ្លូវ​ក្រវាត់​ក្រុង​ទី២ (ផ្លូវ ៥០​ម៉ែត្រ) មាន​ការ​អភិវឌ្ឍ​លឿន​ជាង​គេ គួរ​ឲ្យ​កត់​សម្គាល់ ដោយសារ​តំបន់​នេះ​មាន​ហេដ្ឋា​រចនាសម្ព័ន្ធ​ផ្លូវ​ថ្នល់​ខ្វាត់​ខ្វែង ដែល​រៀបចំ​រួច​ជា​ស្រេច ងាយ​ស្រួល​ក្នុង​ការ​ធ្វើ​ដំណើរ ជាពិសេស មាន​ទីតាំង​នៅ​ជិត​ទីប្រជុំជន។

ចំណែក​ឯតំបន់​ផ្លូវ​ក្រ​វ៉ាត់​ក្រុង​ទី២​ (ផ្លូវ៥០​ ម៉ែត្រ​ ) ដែល​នៅ​ជាប់នឹង​តំបន់​ទីក្រុង​រណប​ (ផ្លូវ៦០ម៉ែត្រ​) មាន​ចរាចរ​ឆ្លងកាត់​ដ៏​មមាញឹក​ និង​ខ្វាត់ខ្វែង​ ដោយ​កាត់​ពី​តាខ្មៅ​ ទៅកាន់​ផ្លូវជាតិ​លេខ២​ និង​អាច​ឆ្លង​ទៅ​ផ្លូវជើង​ឯក​ ដែល​កំពុងតែ​ទទួល​បានការ​អភិវឌ្ឍ​ខ្លាំង​ សូម្បីតែ​ទីតាំង​សាង​សង់​ព្រលា​នយន្តហោះ​ថ្មី​ ដែល​មានផ្ទៃ​ដី​រហូតដល់២៦០០ហិ​កតា​ បាន​បោះទុន​សាងសង់​ជាង១៥០០ពាន់​លាន​ដុល្លារ​ ត្រូវ​បាន​កំណត់​នៅក្នុង​ទីតាំង​ភូមិ​សាស្រ្ត​ដ៏​ល្អ​នេះ​ដែរ​ ដែល​មាន​ចំងាយ​មិន​ឆ្ងាយ​ប៉ុន្មាន​ឡើយ​ពី​រាជធានី​ភ្នំពេញ​ ដែល​នេះ​គឺជា​កត្តា​ធ្វើឲ្យ​ដី​នៅ​តំបន់​នេះ​ឡើងថ្លៃ​យ៉ាងខ្លាំង​។

បើតាមផែនការមេ (២០១៥-២០៣៥) របស់​សាលារាជធានី បានកំណត់​យកទីតាំងភាគខាងត្បូងទីក្រុងភ្នំពេញ ពោលគឺត្រឹមរយៈពេល១៥ឆ្នាំ​ទៅមុខទៀត តំបន់នោះនឹងត្រូវបានអភិវឌ្ឍ​ទៅ​ជាទីក្រុងបៃតង និង មជ្ឍមណ្ឌលពាណិជ្ជកម្មដ៏សំខាន់​បំផុតរបស់រាជធានីភ្នំពេញ។

ប្រភពពី៖ Business Cambodia