គម្រោងអចលនទ្រព្យលំដាប់គ្រាក់ៗទាំងនេះ នឹងក្លាយជាគ្រាប់ពេជ្ររះបំភ្លឺ តំបន់ប៉ែកខាងត្បូងភ្នំពេញ

នៅក្នុងឆ្នាំ ២០៣៥ ប៉ែកខាងត្បូងភ្នំពេញ ត្រូវបានរដ្ឋកំណត់ថា ជាតំបន់អភិវឌ្ឍន៍ថ្មី សម្រាប់ទទួលបានគម្រោងសំណង់អគារខ្ពស់ៗ ស្ថាបត្យកម្មប្រណិតប្រណិត និងការអភិវឌ្ឍន៍ទីក្រុងរណប ដើម្បីធានាដល់ការប្រើប្រាស់ដីធ្លី និងសក្កានុពលដែលមានស្រាប់ ក្នុងទីក្រុងប្រកបដោយប្រសិទ្ធភាពខ្ពស់ ។

ឯកឧត្តម ឃួង ស្រេង ក៏ធ្លាប់មានប្រសាសន៍ផងដែរថា ផ្អែកតាមប្លង់គោលប្រើប្រាស់ដីរាជធានីភ្នំពេញឆ្នាំ២០៣៥ តំបន់ភាគខាងត្បូងរាជធានីភ្នំពេញ ត្រូវបានកំណត់ថា ជាតំបន់អភិវឌ្ឍន៍ថ្មី សម្រាប់ទទួលបានគម្រោងសំណង់អគារខ្ពស់ៗ ស្ថាបត្យកម្មប្រណិតប្រណិត និងការអភិវឌ្ឍន៍ទីក្រុងរណប ដើម្បីធានាដល់ការប្រើប្រាស់ដីធ្លី និងសក្កានុពលដែលមានស្រាប់ ក្នុងទីក្រុងប្រកបដោយប្រសិទ្ធភាពខ្ពស់។

ក្នុងនោះផងដែរ គេសង្កេតឃើញថា ទីក្រុងរណប ING ដែលជាគម្រោងយក្សពោរពេញទៅដោយសំណង់ធំៗ កំពុងតែសម្រុកកសាងផ្លូវ និងហេដ្ឋារចនាសម្ព័ន្ធនានាយ៉ាងមហាញឹក ខណៈពេលដែលអចលនទ្រព្យដទៃទៀត រៀបនឹងលេខរូបរាងឡើង។ 

ទឹកដីនេះ មានគម្រោងផ្សារទំនើបខ្នាតយក្ស បើកការដ្ឋានសាងសង់ នៅត្រង់ចំណុចប្រសព្វមហាវិថីសម្ដេច ហ៊ុន សែន និងមហាវិថី ឈុន គង់ មានដូចជាក្រុមហ៊ុន អ៊ីអនម៉ល របស់ប្រទេសជប៉ុនបានចាប់ផ្ដើមការសាងសង់គម្រោងផ្សារទំនើបខ្នាតយក្សទី៣របស់ខ្លួននៅក្នុងតំបន់អភិវឌ្ឍន៍ទីក្រុងរណប ING City និងមានផ្សារទំនើបធំៗចំនួន២ទៀត ក៏កំពុងដំណើរការសាងសង់យ៉ាងមមាញឹកផងដែរ គឺផ្សារទំនើប PH Diamond Place និងផ្សារទំនើប ជីប ម៉ុង ២៧១ មេហ្គាម៉ល។ 

ទន្ទឹមគ្នាជាមួយនឹងដំណើរការនៃការស្ថាបនាមហាវិថី ឈុន គង់ របស់ក្រុមហ៊ុន អាយអិនជី ហូលឌីង ដែលមហាវិថី ឈុន គង់ ជាមហាវិថីមួយខ្សែស្ថិតនៅចំកណ្ដាលទទឹងនៃតំបន់អភិវឌ្ឍន៍ទីក្រុងរណប ING City តភ្ជាប់ពីផ្លូវជាតិលេខ២ ក្នុងសង្កាត់ចាក់អង្រែក្រោម ឆ្ពោះទៅកាន់ផ្លូវជើងឯក(ផ្លូវលេខ២១៧) មានបណ្តោយប្រវែងប្រមាណ ៥.៥០០ម៉ែត្រ និងមានទទឹងលំហផ្លូវប្រវែង ៥០ម៉ែត្រ ដោយឆ្លងកាត់មហាវិថីសម្ដេច ហ៊ុន សែន (៦០ម៉ែត្រ) ដើរតួនាទីសំខាន់ក្នុងការដោះស្រាយការកកស្ទះចរាចរណ៍ពីភាគខាងកើត មកភាគខាងលិចនៃតំបន់អភិវឌ្ឍន៍ING City 

ក្រៅពីនេះ ING CITY ក៏កំពុងមានសន្ទុះខ្លាំងលើវិស័យអចលនទ្រព្យ រួមមានសំណង់លំនៅដ្ឋាន បុរី ខុនដូ អគារពាណិជ្ជកម្ម និងសាលារៀនអន្តរជាតិជាដើម។ 

មិនតែប៉ុណ្ណោះ រាជរដ្ឋាភិបាលបានកាត់យកភូមិចំនួន ៥ ក្នុងខេត្តកណ្តាល មកជារាជធានីភ្នំពេញ ខណៈពេលដែលបច្ចុប្បន្ន ភាគខាងត្បូងភ្នំពេញ កំពុងតែញាប់ដៃ ញាប់ជើង សាងសង់គម្រោងអភិវឌ្ឍន៍យ៉ាងធំ ជាបន្ដបន្ទាប់។ ស្របពេលជាមួយគ្នាដែរ សម្តេចតេជោ ហ៊ុន សែន បានថ្លែងថា ផ្ទៃដីរាជធានីភ្នំពេញ បច្ចុប្បន្នបានកើនឡើងដល់ជិត ៧០០គីឡូម៉ែត្រក្រឡា ហើយផ្ទៃដីខេត្តកណ្តាលជាច្រើន ត្រូវបានកាត់ចូលរាជធានីភ្នំពេញ ជាបន្តបន្ទាប់។

បើតាមអ្នកជំនាញជាច្រើនធ្លាប់បានឱ្យដឹងកន្លងមកថា ៖ តំបន់ផ្លូវ៦០ម៉ែត្រនេះ បើធៀបនឹងតំបន់ដទៃទៀតនៅជុំវិញរាជធានីភ្នំពេញ ភាគខាងត្បូងទីក្រុងនេះជាតំបន់មានការអភិវឌ្ឍលឿនជាងគេ ដោយសារតែ៖

– តំបន់នេះមាន សេដ្ឋកិច្ចរីកលូតលាស់លឿន ស្ថានភាពដីធ្លីខ្ពស់ មិនសូវប្រឈមមុខនឹងការលិចទឹក 

– ជាទីតាំងដែលនៅជិតទីក្រុងជាងគេ និងជាតំបន់ដែលត្រូវរៀបចំហេដ្ឋារចនាសម្ព័ន្ធថ្មី ដែលអាចឲ្យការកសាងផ្លូវបានល្អជាងតំបន់ដែលបានអភិវឌ្ឍន៍រួច។

– តំបន់នេះមានការអភិវឌ្ឍបុរីយ៉ាងច្រើន ធ្វើឲ្យមានមនុស្សទៅរស់នៅច្រើន ដែលភាគច្រើនជាប្រជាជនមានជីវភាពប្រសើរ និងកម្រិតមធ្យមច្រើនគួរសម បូករួមជាមួយការធ្វើដំណើរ និងចរាចរណ៍ លើសពីនេះផ្លូវទៅក្រុងតាខ្មៅមួយទៀត នោះគឺមហាវិថីសម្ដេច ហ៊ុន សែន ត្រៀមនឹងដំណើរការជាផ្លូវការក្នងពេលឆាប់ៗផងដែរ។

គួរបញ្ជាក់ថា៖ បើតាមផែនការមេ (២០១៥-២០៣៥) របស់សាលារាជធានី បានកំណត់យកទីតាំងភាគខាងត្បូងទីក្រុងភ្នំពេញ ពោលគឺត្រឹមរយៈពេល១៥ឆ្នាំទៅមុខទៀត តំបន់នោះនឹងត្រូវបានអភិវឌ្ឍទៅជាទីក្រុងបៃតង និង មជ្ឍមណ្ឌលពាណិជ្ជកម្មដ៏សំខាន់បំផុតរបស់រាជធានីភ្នំពេញ៕

ប្រភពពី​៖ Business Cambodia