ភាគខាងត្បូងនៃរាជធានីភ្នំពេញ នឹងរីកមុខមាត់កាត់តែខ្លាំង ដោយគម្រោងអភិវឌ្ឍន៍ធំៗទាំងនេះ

បើក្រឡេកមកគម្រោងអភិវឌ្ឍន៍ធំៗនាពេលបច្ចុប្បន្ននេះវិញ មានដូចជា៖
+ គម្រោងសាងសង់ព្រលានយន្តហោះអន្តរជាតិភ្នំពេញថ្មី ស្ថាបនាលើដីទំហំ ប្រមាណ ២ ៦០០ ហិកតា មានបណ្តោយ ប្រមាណ ៦ គីឡូម៉ែត្រ និងទទឹងប្រមាណ ៤ គីឡូម៉ែត្រ ស្ថិតក្នុងភូមិសាស្ត្រស្រុក កណ្តាលស្ទឹង និងស្រុកស្អាង ខេត្តកណ្តាល និងក្នុងភូមិសាស្ត្រស្រុក បាទី ខេត្តតាកែវ។
+ ក្រុមហ៊ុន OCIC កំពុងសិក្សាលម្អិត លើគម្រោងសាងសង់ស្ពានអាកាសដែលតភ្ជាប់ពីព្រលានយន្តហោះអន្តរជាតិភ្នំពេញថ្មី មកកាន់រាជធានីភ្នំពេញ លើប្រវែងជាង២០គីឡូម៉ែត្រ ខណៈគម្រោងសាងសង់ ផ្លូវអាកាសនេះ គ្រោងវិនិយោគទឹកប្រាក់ ប្រមាណ៤០០លានដុល្លារអាមេរិក។|
ចំពោះការសាងសង់ផ្លូវអាកាសនេះនឹងធ្វើឡើងជា ២ ដំណាក់កាល ដោយដំណាក់កាលទី១ មានប្រវែងជាង ១០ គីឡូម៉ែត្រចេញពីផ្លូវលេខ ២៧១ (ក្បែរក្បាលថ្នល់) ឆ្ពោះទៅផ្លូវជាតិលេខ ២ និងដំណាក់កាលទី២ មានប្រវែងជាង ១១ គីឡូម៉ែត្រ ចេញពីផ្លូវជាតិលេខ ២ ឆ្ពោះទៅដល់ព្រលានយន្តហោះអន្តរជាតិភ្នំពេញថ្មី ដែលស្ថិតក្នុងស្រុកស្អាង ខេត្តកណ្តាល៕

+ គម្រោងអភិវឌ្ឍន៍លំនៅដ្ឋាន និងខុនដូ៖
– គម្រោង ទីក្រុងរណប ING City មានទំហំ ២,៦០០ ហិកតាជាគម្រោងអភិវឌ្ឍន៍ដ៏ធំបំផុតនៅកម្ពុជា
– គម្រោងអភិវឌ្ឍន៍បុរី ប៉េង ហួត ដឹស្តា ដាយមិន (Borey Peng Huoth The Star Diamond)
– គម្រោងអភិវឌ្ឍន៍បុរី ជីប ម៉ុង ដឹលែនម៉ាក (Borey Chip Mong The Land Mark 271 )…
– គម្រោងខុនដូរ និងផ្ទះអាជីវកម្ម១ពាន់យូនីតជាង Lingnan Garden មានទំហំ ២.១ ហិកតា
– គម្រោងគម្រោងខុនដូរ R&F Properties សង់ឡើងលើផ្ទៃដី៧៦០,០០០ ម៉ែត្រការ៉េ មានសួនច្បារឯកជន ទំហំ៣០០,០០០ម៉ែត្រការ៉េ
– គម្រោង Urban Village លើផ្ទៃដីអភិវឌ្ឍន៍ ៧,៦ហិកតា ,កម្ពស់២៣ជាន់ ,មានចំណត៨៦៥,មាន៨២៨ យូនីត និងគម្រោងលំនៅដ្ឋានជាច្រើនទៀតដែលមាននៅជុំវិញតំបន់នេះ។
– អគារពាណិជ្ជកម្ម , អគារធនាគារខ្ពស់ៗ និងទីតាំងShowroom រថយន្ត ក៏ដូចជាមានការអភិវឌ្ឍនូវសំណង់ផ្សេងៗជាច្រើនទៀត។
+ ផ្សារទំនើបធំៗខ្នាតយក្សទាំង៣៖
– ផ្សារទំនើបអ៊ីអន ៣
– ផ្សារទំនើប PH Daimond Mall
– ផ្សារទំនើបជីប ម៉ុង ២៧១មេហ្គាម៉ល…។ល។